ҚР ҰБ курстары, 29.03.2024
RUB 4.86 (0.00)
EUR 483.46 (-3.48)
USD 448.15 (-1.43)

Комьюнити-орталықтар: балаларға арналған тегін үйірмелер мен секциялар

Шалғай аудандар мен тұрғын үй алаптарында оқушыларға қосымша білім беретін комьюнити-орталықтар ашылуда, деп хабарлайды Нұр-Сұлтан қаласы әкімдігінің ресми сайты.

 Мақсаты – үйірмелер мен секцияларды барлық балалар үшін қолжетімді ету. Қазір қалада төрт комьюнити-орталық бар. Оның бірі Балалар үйінде, ал қалғаны жалпы білім беру мектептерінде құрылған. 

«Shuǵila» комьюнити-орталығы – жаңа Оқушылар сарайының филиалы.  Ол №68 және №80 мектептерде жұмыс істейді. Махамбет Өтемісұлы атындағы Оқушылар сарайы да өз филиалдарын ашып жатыр. Сондай орталықтың бірі №20 мектепте ашылса, екіншісі №86 мектепте құрылмақ. 

Мұнда робот техникасы және 3D-модельдеу, бейнелеу өнері, сәндік-қолданбалы өнер, театр және вокал үйірмелері жұмыс істейді. Сондай-ақ,  волейбол, баскетбол, шағын-футбол, дзюдо, шахмат, тоғызқұмалақ сияқтық спорттық секциялар бар. Сабақтарды Оқушылар сарайының мұғалімдері жүргізеді. 

Үйірмелер тегін.   

Әкімдік комьюнити-орталықтар желісін кеңейтуді жоспарлауда. 

«Мұндай орталықтардың біреуі ғана 800 баланы қамтиды. Үйірмелер мен секциялардың бәрі тегін. Бұл – халықтың осал топтары қатарындағы азаматтарды, көпбалалы отбасыларды қолдаудың нақты қадамдарының бірі. Әсіресе, өз баласын қараусыз қалдыруға қорқып, бұдан бұрын жұмысқа шыға алмаған ата-аналар үшін өте ыңғайлы», – деді қала әкімі Бақыт Сұлтанов халыққа есеп беру кезінде.