ҚР ҰБ курстары, 29.03.2024
RUB 4.86 (0.00)
EUR 483.46 (-3.48)
USD 448.15 (-1.43)

Түстер сайрайды.


Байқадыңыз ба, медицина тауарын жарнамалағанда ақ, көк түстер қолданылатынын?

Ал далап не болмаса әтір жарнамасында қызыл, қызғылт түсерді ше?


Түрлі түстер. Айналамызда. Олар барлық жерде. Олар көңіл-күйімізге әсер етеді. Ақпаратты қабылдауға ықпал етеді.

Маркетингте еленбейтін ұсақ-түйек жоқ. Мүлдем. Ешқашан.

Түстер клиент назарын аудару үшін арнайы таңдалады. Дұрыс таңдалмаса, ақпарат та дұрыс қабылданбайды.

Жарнамадағы қызыл түс. Бұл еркіндіктің, қызуқандылық, маңыздылықтың белгісі.

Ақпараттың ең керек деген, ең өтімді деген жерін сізге ҚЫЗЫЛ түспен ұсынады. Әсіресе, ерлер қауымына арналған ақпараттарда жиі қолданылады.

Қызғылт-сары. Оптимизмнің, қуаныштың белгісі. Мақала атауын бояуда таптырмас түс. Бұл түс жылулықтың белгісі болғандықтан, балаларға ұнайды. Демек балалар тауарын, денсаулыққа байланысты посттарды әсемдеу үшін пайдаланылады.

Сары түс. Жан-жақтылық, мейірімділіктің белгісі. Жағдайда бейімдеу үшін таптырмас түс. Қызыл, қызғылт-сары сияқты ашық емес. Сондықтан фон үшін пайдаланады.

Жасыл түс- денсаулықтың, балғындықтың түсі. Сенімділік орнатады. Сондықтан баға жайлы не болмаса ауқымды мәтін осы түске боялады.

Қызғылт түс. Романтика, нәзіктік. Демек косметика, парфюмерия, танысу сайттарында жиі қолданылады.

Көгілдір. Оқырманға тыныштық пен сенімділік сыйлайды. Сол себепті бизнес мәтіндерінде қолданылады.

Қара. Қымбат әрі бағалы тауарларда қолданылады.

Адам психологиясы ақпаратты қабылдау кезінде мәтінге емес, ең бірінші, түстер, дизайнға мән береді. Бұл дәлелденген факт. Бұл деректі медиа өкілдері жақсы біледі.