Банк қосымшасы немесе мобильді банкинг

Мобильді банкинг – бұл үйден шықпай-ақ, яғни онлайн режимінде қаржылық операцияларды жасауға мүмкіндік беретін қосымша. Сізге банк филиалына барудың, банкомат іздеудің, қолма-қол ақша алудың және т.б. қажет емес.

Өз банкіңіздің мобильді қосымшасын жүктеп алу, тіркеуден өту, екі факторлы қорғауды (SMS, саусақ ізі, бет биометриясы) орнату және картаңызды қосу жеткілікті.

Жұмыс істеуі үшін мобильді банкингке интернет байланысы қажет. Банк қосымшасының басты функциясы – бұл сіздің қаражатыңыз, шоттың күйі және тағы басқалар туралы ақпаратқа қол жетімділікті үнемі қамтамасыз етіп отыру.

Клиенттерге мобильді банкингті немесе банк қосымшасын пайдалану не береді?

• Оңай пайдалану

Қосымша өте ыңғайлы және интуитивті. Негізгі бетте әдетте шоттағы қалдық, ағымдағы акциялар, серіктестер тізімі, QR коды, аударымдар, клиенттерге арналған жаңа ұсыныстар және т.б. көрсетіледі.

• Кең функционалдылық

Енді бөлімшелерге барудың немесе кезекте тұрудың қажеті жоқ. Барлық қажетті операцияларды онлайн режимінде жасауға болады. Сондай-ақ, автоматты төлемдерді немесе сіздің шотыңыздағы кез келген операциялар туралы хабарламаларды қосуға болады.

• Жылдам әрекет ету

Мобильді банкинг - бұл уақытты үнемдеу тәсілі. Егер сізде қандай да бір операция өтпесе, онда сіз әрқашан оператормен байланысып, туындаған барлық мәселелерді нақты уақытта шеше аласыз.

• Аударым функциясы

Осының арқасында сіз өзіңіздің шоттарыңыз арасында, картадан шотқа және шоттан картаға, басқа картаға ақша аудара аласыз және т.с.с.

* Өз операцияларыңызды бақылау

Сіз әрқашан қанша ақша және не үшін жұмсағаныңызды, ақшаны кім аударғанын, қаражаттың қайдан алынғанын және т.б. көре аласыз. Бақылап отырудың арқасында алаяқтар сіздің ақшаңызды ұрлай алмайды. Сіз әрқашан қаражат қозғалысы туралы хабардар боласыз.