Жанасусыз төлемдер: қазіргі технология

«Сізге пакет қосу керек пе?» - деп сұрайды дүкендегі сатушы. Мен басымды изеп, телефонды терминалға жақындатамын. Төлем әп-сәтте өтті. Кезекте, кептелісте тұрмайсыз, ақшаны санамайсыз, қайтарымды күтіп тұрмайсыз. Осындай төлемдердің арқасында төлем жылдамдығы артады, бұл әсіресе адамдар көп болған кезде өте ыңғайлы.

Жанасусыз төлем осылай жұмыс істейді, онда дсн-кодты енгізудің, чекке қол қоюдың немесе тіпті терминалды түртудің қажеті жоқ. Терминалға смартфонды, смарт сағатты, білезікті немесе контактісіз байланыс технологиясын қолдайтын басқа құрылғыны жақындатсаңыз жеткілікті.

Жанасусыз төлем жасау кезінде NFC (Near Field Communication) жүйесі қолданылады. NFC қызметі құрылғылар арасында 10 сантиметрге дейінгі қашықтықта байланыс орнатуға мүмкіндік береді.

Мобильді қосымшаның және NFC-дің көмегімен смартфон, сағат, білезік және т.б. көмегімен жанасусыз төлемді жылдам жүргізуге болады.

Қызметі тұрғысынан алғанда NFC Bluetooth-ға ұқсайды, бірақ мұнда деректер тезірек және ыңғайлы тасымалданады.

NFC-дің көмегімен сатып алулар мен қызметтерге ақы төлеуді бастау үшін сіздің құрылғыңыз осы технологияны қолдай алатынына көз жеткізіп, банктік қосымшаны жүктеп алып, оны NFC-ге қосыңыз. Дайын! Енді сіз смартфонды немесе білезікті терминалға жақындатып, сатып алу/қызмет ақысын төлей аласыз.

NFC арқылы жасалған төлемдердің арқасында төлем жылдамдығы артады, бұл әсіресе адамдар көп болған кезде ыңғайлы.

NFC-ден басқа, сіз QR кодтарын қолдана отырып төлем жасай аласыз. Ол үшін банктік қосымшаны жүктеп, телефон камерасын пайдаланып сатушының QR кодын оқу керек.

Айтпақшы, QR төлемдері кезінде сатушыға POS-терминал қажет емес. QR-дың көмегімен қолма-қол ақшасыз төлем қабылдауға болады, қолма-қол ақша іздемейсіз немесе деректер ұрлануы мүмкін деп алаңдамайсыз.

NFC және QR төлемдері қарапайымдылығымен, қауіпсіздігімен және ыңғайлылығымен бүкіл әлем бойынша тұтынушылардың көңілінен шығуда.

Көбінесе банктер клиенттерге жанасусыз төлемдер жасағаны үшін әртүрлі бонустар мен кешбэк ұсынады. Мысалы, Halyk серіктес дүкендердегі банктің POS-терминалдарында смартфонмен төлеген кезде 30%-ға дейін бонус сыйлайды.

Осылайша, жанасусыз төлемдер – бұл тек танымал тренд қана емес, сонымен қатар қаржы индустриясын дамытудың перспективалық бағыты болып табылады. Олар тұтынушылар, сатушылар, банктер және басқа нарық қатысушылары үшін жаңа мүмкіндіктер ашады.